Y FfEY yw'r fframwaith polisi cyffredinol sy'n ceisio trawsnewid safonau a darpariaeth addysg yng Nghymru yn ystod y degawd nesaf a'r tu hwnt. Dyma bolisi allweddol Cymru ar gyfer diwygio addysg ac mae pob polisi addysg arall yn gyson ag ef.
Nodau ac amcanion
Cyflawni gwell canlyniadau dysgu a lles i bob plentyn a pherson ifanc waeth beth fo'i gefndir economaidd-gymdeithasol;
Lleihau'r amrywiadau mewn canlyniadau dysgu o fewn ystafelloedd dosbarth, ysgolion ac awdurdodau lleol a rhyngddynt
Mae’r Fframwaith yn seiliedig ar egwyddorion diwygio ar dair lefel.
gwella llythrennedd;
gwella rhifedd;
lleihau effaith tlodi ar gyrhaeddiad addysgol.
Cefnogir y blaenoriaethau cenedlaethol hyn gan chwe sbardum allweddol ar gyfer newid:
defnyddio data’n effeithiol;
cryfhau addysgu a dysgu drwy ddatblygu model cenedlaethol cydlynus sy’n cyd-gysylltu datblygu proffesiynol parhaus, rheoli perfformiad a safonau proffesiynol;
cryfhau arweinyddiaeth ar bob lefel yn yr ysgolion a’r awdurdodau lleol drwy ddatblygu arweinyddiaeth drwy addasu a chanolbwyntio ar ddatblygu arweinyddiaeth;
sefydlu cymunedau dysgu proffesiynol mewn, rhwng ac ar draws ysgolion;
egluro atebolrwydd ysgolion, llywodraethwyr, awdurdodau lleol a Llywodraeth y Cynulliad;
datblygu adnoddau mewn ysgolion, ar lefel leol ac ar lefel genedlaethol
Yn ystod y misoedd diwethaf, mae partneriaid allweddol wedi bod yn cydweithio i drefnu sut y gallwn sicrhau y bydd y FfEY yn llwyddo yng Nghymru. Mae ein cynllun wedi'i amlinellu yn y ddogfen Datblygu System Genedlaethol ar gyfer Addysg yng Nghymru drwy Wreiddio’r Fframwaith Effeithiolrwydd Ysgolion.
